A.M.

Anijun Mudan-udan ang akong ngalan. Usa ka yanong mag-uuma. Usahay sab mogana ang akong pagkamathematician kay hilig man nako ang mga numero. Kon gikinahanglan sa higayon, usab usab ako ka engineer. Inig kagabii, mahimo usahay ko nga magsusulat kay aduna koy gahumanon nga nobela sa pinulongang Cebuano. Karon misugod ang akong pagka-blogger sa binisaya. Sa akong mga bakante nga gutlo, gapang-ayohon nako ang mga daot nga appliances sa balay. Gapamanday sab ko kon adunay higayon. Gahimo kog mga lingkoranan, lamesa ug mga divider. Pirmi kong mangukay og libro sa mga thrift shop. Kabalo sab ko magdulag chess mao nga makita ko usahay sa kilid sa kadalanan nga makigdulag chess sa mga mangingilad. Kay ilaron ra man gyod ka anang mga magdulag chess sa mga kilid sa karsada ilabi nag diha dapit sa Metro Manila. Kon duna kay pangutana kon unsa pa ang kaya nako himoon, pangutana lang.